Ուկրաինան ճանաչվել է տարվա երկիր

The Economist ամսագրի վարկածով տարվա երկիր է ճանաչվել Ուկրաինան, հայտնում է hraparak.am-ը։

Լրագրողները նշել են, որ սովորական ժամանակներում դժվար է ընտրել տարվա երկիրն՝ ըստ The Economist-ի, սակայն այս տարի առաջին անգամ ընտրությունն ակնհայտ է․

«Դա կարող է լինել միայն Ուկրաինան»,–գրել է պարբերականը և առանձնացրել ուկրաինացիների չորս որակ՝ հերոսություն, հնարամտություն, տոկունություն և ոգեշնչում:

«Ուկրաինացիները կանգնեցին և կռվեցին: Նախագահ Վլադիմիր Զելենսկին, մերժելով իրեն Կիևից դուրս բերելու Արևմուտքի առաջարկները, ասել է, որ իրեն «զինամթերք է պետք, ոչ թե տրանսպորտ»: Նման բնավորություն են դրսևորել սովորական ուկրաինացիները»,–գրել է պարբերականը։

The Economist-ը նշել է, որ ուկրաինացիները, պաշտպանվելով ներխուժումից, ձեռք են բերել պետականության նոր զգացում։