Այսօր առավոտյան Գորիս քաղաքի տներից մեկում հրդեհ է բռնկվել։ Այս մասին տեղեկացնում են ԱԻՆ-ի մամուլի ծառայությունից։
«Դեկտեմբերի 23-ին, ժամը 10։14-ին Սյունիքի մարզային ճգնաժամային կառավարման կենտրոն ահազանգ է ստացվել, որ հրդեհ է բռնկվել Գորիս քաղաքի Սյունիքի փողոցի տներից մեկում։ Դեպքի վայր է մեկնել ԱԻՆ ՓԾ մարզային փրկարարական վարչության հրշեջ-փրկարարական ջոկատից երեք մարտական հաշվարկ։ Հրդեհը մեկուսացվել է ժամը 10։45-ին։ Այրվում են տան (մոտ 300 քմ) խոհանոցի գույքը և տանիքը (մոտ 60 քմ)»,-նշվում է հաղորդագրությունում։
