Արայիկ Հարությունյանը հայտնել է նաեւ նոր պետնախարարի անունը։
Ռուբեն Վարդանյանն ազատվել է պետնախարարի պաշտոնից։ Այդ մասին հայտնել է Արցախի նախագահ Արայիկ Հարությունյանը կառավարության նիստում։
Արայիկ Հարությունյանը հայտնել է նաեւ նոր պետնախարարի անունը, նա Արցախի դատախազ Գուրգեն Ներսիսյանն է։
«Գիտակցելով Արցախի ու մեր ժողովրդի հանդեպ պատասխանատվությունը և Արցախը զարգացնելու և առաջիկա մարտահրավերներին դիմագրավելուն պատրաստ լինելն ապահովելու փոխարեն մեր բոլորիս և պետության, առանց փակագծեր բացելու, բոլոր առումներով դիմադրողականությունը չսպառելու համար՝ որոշում եմ կայացրել Ռուբեն Վարդանյանին ազատելու պետական նախարարի պաշտոնից»,– ասել է Արցախի նախագահը։
Արցախի նախագահը բարձր է գնահատել Ռուբեն Վարդանյանի ջանքերը թե՛ Արցախի վերաբերյալ միջազգային իրազեկվածության բարձրացման և թե՛ շրջափակման ընթացքում ներքին բազմաթիվ հիմնախնդիրների լուծման գործում։
–
