Լիոնել Մեսսի․ Աշխարհի լավագույն ֆուտբոլիստ

ՖԻՖԱ-ի ամենամյա մրցանակաբաշխությունն ընթանում էր  Փարիզում։

ՖԻՖԱ The Best. 2022թ, աշխարհի լավագույն ֆուտբոլիստ հռչակվեց Լիոնել Մեսսին։

Մեսսին աշխարհի չեմպիոն Արգենտինայի հավաքականի ավագն է։

 Լավագույն կին ֆուտբոլիստ անվանակարգի հաղթող ճանաչվեց «Բարսելոնայի» կիսապաշտպան Ալեքսիա Պուտելիասը։

 ՖԻՖԱ The Best․  2022թ․ աշխարհի լավագույն դարպասապահ՝ Էմիլիանո Մարտինես: Մարտինեսը աշխարհի չեմպիոն Արգենտինայի հավաքականի եւ անգլիական «Աստոն Վիլայի» խաղացող է։

Լավագույն կոչմանը հավակնում էին նաեւ Յասին Բունուն («Սեւիլիա», Մարոկկո) եւ Տիբո Կուրտուան («Ռեալ», Բելգիա)։

Լավագույն կին դարպասապահի մրցանակը ստացավ Մերի Իրպսը («Մանչեսթեր Յունայթեդ», Անգլիա)։

Մրցանակին հավակնում էին նաեւ Անն-Կատրին Բերգերը («Չելսի», Գերմանիա) եւ Կրիստիանա Էնդլերը  («Լիոն», Չիլի)։

2022թ․ աշխարհի լավագույն մարզիչի The Best մրցանակին արժանացավ  աշխարհի չեմպիոն Արգենտինայի հավաքականի գլխավոր մարզիչ Լիոնել Սկալոնին։

Լավագույն մարզիչի մրցանակին հավակնում էին նաեւ Կառլո Անչելոտին («Ռեալ», Իտալիա) եւ Խոսեպ Գվարդիոլան («Մանչեսթեր Սիթի», Իսպանիա)։

ՖԻՖԱ-ի The Best ամենամյա մրցանակաբաշխությունում տարվա լավագույն գոլի համար Պուշկաշի անվան մրցանակին արժանացավ պարաֆուտբոլիստ Մարչին Օլեքսին  («Վարտա», Լեհաստան)։

Մրցանակին հավակնում էին նաեւ Դիմիտրի Պայետը («Մարսել», Ֆրանսիա) եւ Ռիշարլիսոնը (Բրազիլիայի հավաքական, «Տոտենհեմ»)։

–