Սուրեն Պապիկյանը հանձնարարել է զորքերից արմատախիլ անել արատավոր բարքերը

Շրջայցից անմիջապես հետո նախարարը առանձնազրույցներ է ունեցել զորամասի սպաների հետ:

Պաշտպանության նախարար Սուրեն Պապիկյանը դիրքեր կատարած այցից հետո շրջել է զորամասում, ծանոթացել մշտական տեղակայման վայրի շենքային պայմաններին, շարահրապարակում հետևել ստորաբաժանումների շարային պատրաստությանը, առաջիկա օրերին մարտական հերթափոխի համար շարված գումարտակների նախապատրաստական աշխատանքներին:

Շրջայցից անմիջապես հետո նախարարը առանձնազրույցներ է ունեցել զորամասի սպաների հետ:

Զորամասի սպաները խոսել են ծառայության կազմակերպման, ստորաբաժանումների ղեկավարման, ներդաշնակման, ուսումնական փուլով նախատեսված դասընթացների մասին:

Սուրեն պապիկայնը առանձնազրույց է ունեցել սպաների հետ, հետաքրքրվել՝ սպաների սոցիալ-կենցաղային, բնակարանների ապահովման պայմաններով, հորդորել՝ լրացուցիչ մարզումներով բարելավել ֆիզիկական վիճակը, մարտավարամասնագիտական հմտությունները՝ ատեստավորման քննություններում առավելագույն միավորներ վաստակելու համար:

Բոլոր ստորաբաժանումների հրամանատարներին նախարարը կարգադրել է բարձրացնել կարգապահության մակարդակը բոլոր օղակներում, հատկապես մարտական հերթապահություն իրականացնող զինծառայողների շրջանում:

Հանձնարարվել է բարոյահոգեբանական զրույցների միջոցով զորքերից արմատախիլ անել արատավոր բարքերն ու ոչ կանոնադրային հարաբերությունները:

–