Ընդհանուր մրցանակային ֆոնդը կազմում է 60.000 եվրո: Առաջին տեղը զբաղեցրած շախմատիստը կստանա 10.000 եվրո:
Հայաստանը ներկայացնող շախմատիստները շարունակում են պայքարը Եվրոպայի կանանց անհատական առաջնությունում:
Չեռնոգորիայի Պետրովաց քաղաքում ընթացող առաջնությունում կայացել են 2-րդ տուրի խաղափուլերը: Երկրորդ անընդմեջ հաղթանակն է տոնել Մարիամ Մկրտչյանը: Հաղթել են նաև Էլինա Դանիելյանը և Աննա Սարգսյանը: Միավորը կիսել է Լիլիթ Մկրտչյանը, իսկ Սուսաննա Գաբոյանը և Պոլիան Կոբակը պարտություն են կրել:
Հիշեցնենք` Շախմատի Եվրոպայի կանանց անհատական առաջնությունն անցկացվում է Չեռնոգորիայում: Այն կեզրափակվի մարտի 29-ին: Առաջնությանը մասնակցում են 34 եվրոպական երկրի 140 շախմատիստներ: Մրցաշարն անցկացվում է շվեյցարական մրցակարգով: Ընդհանուր մրցանակային ֆոնդը կազմում է 60.000 եվրո: Առաջին տեղը զբաղեցրած շախմատիստը կստանա 10.000 եվրո:
