Դատախազը 2023 թվականի մարտի 20-ին քրեական վարույթը մեղադրական եզրակացությամբ ուղարկել է դատարան:
Բ.Պ.-ն, 2020թ. նոյեմբերի 24-ից մինչև 2021թ. հուլիսի 22-ը հանդիսանալով «Հայանտառ» ՊՈԱԿ-ի «Դսեղի անտառտնտեսություն» մասնաճյուղի Դսեղի անտառպետության 5-րդ պահաբաժնի անտառապահ, պատշաճ չի կատարել իր պարտականությունները, որի հետևանքով, նշված ժամանակահատվածում ապօրինի հատվել են տարբեր տեսակի 52 ծառեր և 7 ճյուղեր՝ պետությանը պատճառելով 5 մլն 43 հազար դրամի վնաս:
Դատախազության հաղորդմամբ՝ նախաքննության ընթացքում Բ.Պ.-ն չի վերականգնել պատճառված վնասը:
2021թ. սեպտեմբերի 6-ին նախաձեռնվել է քրեական վարույթ: 2022թ. մարտի 28-ին Բ.Պ.-ին մեղադրանք է ներկայացվել 18.04.2003 թվականին ընդունված Քրեական օրենսգրքի 315-րդ հոդվածի հոդվածի 2-րդ մասով (պաշտոնական անփութություն):
Դատախազը 2023 թվականի մարտի 20-ին քրեական վարույթը մեղադրական եզրակացությամբ ուղարկել է դատարան: Միաժամանակ ներկայացվել է հայցադիմում՝ պետությանը պատճառված վնասի վերականգնման նպատակով:
–
