«Եվրատեսիլ 2023» երգի միջային մրցույթը ֆեյսբուքի իր պաշտոնական էջում կրկին հրապարակել է Հայաստանը ներկայացնող Բրյունետի երգը՝ առաջարկելով հետևորդներին ևս մեկ անգամ լսել «Future Lover» երգը։
Երգի յութուբյան ալիքում արդեն ավելի քան 4 մլն դիտում է հավաքել։
Ըստ BBC-ի կանխատեսումների՝ երգը հավակնում է ընդգրկվել լավագույն տասնյակում։
Բրյունետի «Future lover» երգի հեղինակը հենց երգչուհին է: Տեսահոլովակի ռեժիսորը՝ Արամայիս Հայրապետյանը:
Հիշեցնենք` «Եվրատեսիլի» կիսաեզրափակիչ փուլերը տեղի կունենան Լիվերպուլում՝ մայիսի 9-ին և 11-ին, եզրափակիչը՝ մայիսի 13-ին։ Երգի մրցույթում Հայաստանի ներկայացուցիչը հանդես կգա երկրորդ կիսաեզրափակիչ փուլում՝ 2-րդ համարի ներքո։
