Բորելն ընդգծել է, որ ԵՄ-ն պատրաստ է օգնել Հայաստանին և Ադրբեջանին տարածաշրջանում իրավիճակի կարգավորման հարցում։
Լաչինի միջանցքում անցակետ տեղադրելու Ադրբեջանի որոշումը հակասում է տարածաշրջանում լարվածությունը նվազեցնելու Եվրամիության կոչին։ Այդ մասին ԵՄ խորհրդի նիստի արդյունքների վերաբերյալ մամուլի ասուլիսի ժամանակ հայտարարել է Եվրոպական միության արտաքին հարաբերությունների և անվտանգության հարցերով բարձր ներկայացուցիչ Ժոզեպ Բորելը։
«Մենք քննարկել ենք Լաչինի միջանցքում անցակետ տեղադրելու Ադրբեջանի միակողմանի որոշումը, որը հակասում է լարվածությունը թուլացնելու մեր կոչին»,- հայտարարել է եվրոպացի պաշտոնյան։ Բորելն ընդգծել է, որ ԵՄ-ն պատրաստ է օգնել Հայաստանին և Ադրբեջանին տարածաշրջանում իրավիճակի կարգավորման հարցում։ Նա հիշեցրել է, որ այդ նպատակով Եվրոպական միությունը Հայաստանի տարածքում տեղակայել է դիտորդական առաքելություն։
–
