ԱՄՆ պետքարտուղար Էնթոնի Բլինկենն այսօր Վաշինգտոնում կհանդիպի Ադրբեջանի արտգործնախարար Ջեյհուն Բայրամովի հետ։ Այս մասին գրում են ադրբեջանական լրատվամիջոցները:
Ըստ ադրբեջանական լրատվամիջոցների Միրզոյան-Բլինքեն-Բայրամով հանդիպումը կմեկնարկի Երևանի ժամանակով ժամը 17։45-ին։
Նշվում է նաև` Հայաստանի և Ադրբեջանի արտգործնախարարների բանակցությունները կարող են տևել մի քանի օր։
Հայտնի է, որ այցի ընթացքում նախատեսվում է անցկացնել Ադրբեջանի և Հայաստանի միջև խաղաղության համաձայնագրի նախագծի շուրջ բանակցությունների հերթական փուլը:
Ավելի վաղ հաղորդվել էր, որ Հայաստանի արտգործնախարար Արարատ Միրզոյանը ապրիլի 30-ից աշխատանքային այցով կմեկնի Վաշինգտոն։
