Կողային ապակիների լուսաթափանցելիությունը պետք է կազմի առնվազն 70%

Հունիսի 1-ից պարեկային ծառայողները և ճանապարհային ոստիկանները ապակիների լուսաթափանցելիության չափի խախտմամբ տրանսպորտային միջոցներ հայտնաբերելու դեպքում վարչական պատասխանատվության են ենթարկելու նվազագույն աշխատավարձի քսանհինգապատիկի չափով։

Ներպետական օրենսդրության իրավադրույթների և Մաքսային միության տեխնիկական կանոնակարգի համաձայն մեքենաների առջևի կողային ապակիների լուսաթափանցելիությունը պետք է կազմի առնվազն 70%, հայտնում են ՀՀ Ոստիկանությունից։

Հունիսի 1-ից պարեկային ծառայողները և ճանապարհային ոստիկանները հայտնաբերելու են ապակիների լուսաթափանցելիության չափի խախտմամբ տրանսպորտային միջոցները և վարչական պատասխանատվության են ենթարկելու նվազագույն աշխատավարձի քսանհինգապատիկի չափով։

ՀՀ Ոստիկանությունից կոչ են անում վարորդներին հեռացնել առջևի կողային ապակիների թաղանթապատումը կամ փոխարինել մգեցված ապակիները՝ պահպանելով լուսաթափանցելիության թույլատրելի չափերը։