Ամփոփվեց «Ամառային դպրոց 2023»-ը

Միջոցառման ընթացքում պարգևատրվեցին թե երեխաները, և թե միջոցառմանը ներդրում ունեցած արվեստագետները։

ՀՀ Ազգային պատկերասրահի Սիսիանի մասնաճյուղում ամփոփվեց մայիսի 30-ին մեկնարկած «Ամառային դպրոց 2023» ամենամյա դարձած միջոցառումների շարքը, հայտնում են Սիսիանի համայնքապետարանից։

Միջոցառման շրջանակներում Սիսիան քաղաքի ՆՈՒՀ-երի ավագ խմբի սաները պատկերասրահ այցելելուց հետո ներկայացրել են իրենց ստեղծագործություններն: Լավագույն նկարների հեղինակները պարգևատրվեցին շնորհակալագրերով և պատվոգերով, իսկ պատկերասրահի կողմից նվերներ ստացան բոլորը:

Սիսիանի համայնքապետարանն էլ իր հերթին պատվոգրերով պարգևատրեց միջոցառմանը ներդրում ունեցած մի շարք արվեստագետներին։