Վերաքննիչ դատարանը բեկանել է Հակակոռուպցիոն դատարանի դատավոր Արամ Գրիգորյանի որոշումը և կրկին կալանքի տակ վերցրել Գալստյանին»,- հավելեց պաշտպանը։
Նախորդ ամիս 40 միլիոն ՀՀ դրամ գրավի դիմաց ազատ արձակված գործարար, զենքերի մատակարարմամբ զբաղվող Դավիթ Գալստյանը (Պատրոն Դավո) կրկին կկալանավորվի։ Այս մասին Factor TV-ի հետ զրույցում ասաց պաշտպան Արմեն Անդրիկյանը։
«Վերաքննիչ դատարանը բեկանել է Հակակոռուպցիոն դատարանի դատավոր Արամ Գրիգորյանի որոշումը և կրկին կալանքի տակ վերցրել Գալստյանին»,- հավելեց պաշտպանը։
Դավիթ Գալստյանն այս պահին մեղադրյալ է պաշտպանության նախկին նախարար Դավիթ Տոնոյանի գործով, որը ստացել է «Անպիտան հրթիռների գործ» անունը և վերաբերում է զինված ուժերի կարիքների համար ռազմամթերքի մատակարարման գործընթացում ենթադրյալ չարաշահումներ և առանձնապես խոշոր չափերով հափշտակություններ կատարելու ենթադրյալ դեպքերին։
Այս գործի շրջանակներում Գալստյանը եղել է կալանքի տակ, ապա 50 մլն դրամ գրավի դիմաց ազատ է արձակվել։ Առաջադրված մեղադրանքում Գալստյանն իրեն մեղավոր չի ճանաչում։ Պաշտպանական կողմը մեղադրանքն անհիմն է որակում։
ԱԱԾ-ում քննվում է Գալստյանի վերաբերյալ, ՊՆ-ից ենթադրյալ չարաշահումներին առնչվող ևս մեկ գործ, որի շրջանակում Գալստյանը կալանավորվել, ապա՝ կրկին գրավով ազատ է արձակվել։
–
