Ձեռք բերված փորձը կօգնի հաջորդ տարիներին գործընթացն իրականացնելիս կատարել համապատասխան փոփոխություններ։
Նոր ուսումնական տարում ՀՀ բոլոր դպրոցներում փուլային եղանակով կներդրվի հանրակրթական պետական չափորոշիչը՝ 2-րդ, 5-րդ և 7-րդ դասարաններում: Նախապես հայտարարված 10-րդ դասարանում չափորոշիչը չի ներդրվի:
ՀՀ կրթության, գիտության, մշակույթի և սպորտի նախարարությունից հայտնում են, որ ԿԳՄՍ նախարարի տեղակալ Արաքսիա Սվաջյանի տեղեկացմամբ՝ դասագրքերի ստեղծման մրցույթում 10-րդ դասարանի համար պահանջվող 22 անուն դասագրքերից հայտ է ներկայացվել 12 դասագրքի համար: Հաշվի առնելով իրավիճակը՝ որոշվել է, որ 10-րդ դասարանում հանրակրթական նոր չափորոշիչը կներդրվի հաջորդ ուստարի:
Փոխնախարարի խոսքով՝ ձեռք բերված փորձը կօգնի հաջորդ տարիներին գործընթացն իրականացնելիս կատարել համապատասխան փոփոխություններ՝ փորձաքննության ընթացքն առավել արդյունավետ դարձնելու նպատակով:
–
