Անցած մրցաշրջանի մեկնարկից ակումբի նոր մարզիչը գլխավորում էր «Շիրակ-2»-ը։
«Շիրակ» ֆուտբոլային ակումբի գլխավոր թիմը նոր մարզիչ ունի։ Տեղեկությունը հայտնում է ակումբի մամուլի ծառայությունը։
«Սիրելի շիրակցիներ, հարգելի ֆուտբոլասերներ մեր ակումբի գլխավոր թիմը գլխավորել է Արսեն Հովհաննիսյանը: Վերջինս երկար տարիներ աշխատում է մեր ակումբի համակարգում՝ մանկապատանեկան թիմերից հասնելով մինչև ակումբի երկրորդ թիմ: Անցած մրցաշրջանի մեկնարկից 34-ամյա մասնագետը գլխավորում էր «Շիրակ-2»-ը»,-ասված է հաղորդագրությունում։
Նշվում է նաև, որ Արսեն Հովհաննիսյանի գլխավորած մարզչական շտաբում կաշխատեն մարզիչներ Անդրանիկ Բարիկյանը, Վարդան Պավլեյանը և դարպասապահների մարզիչ Էդգար Մովսիսյանը:
Ավելի վաղ ակումբը հայտարարություն էր տարածել, որ գլխավոր մարզիչ Էդգար Թորոսյանը հրաժարականի դիմում է ներկայացրել։
