Սեպտեմբերի 9-ին Ադրբեջանի ԱԳՆ-ն հայտարարել է, որ Ռուսաստանի նոր շրջաններում տեղի ունեցած ընտրություններն իրավական ուժ չունեն։
Մոսկվան դիվանագիտական դեմարշ է հայտնել Բաքվին՝ Ռուսաստանի նոր շրջաններում (ինքնահռչակ Դոնեցկի և Լուգանսկի ժողովրդական հանրապետությունները, Զապորոժիեի և Խերսոնի մարզերը) ընտրությունների վերաբերյալ Ադրբեջանի ԱԳՆ հայտարարության կապակցությամբ։ Հայտնում է vedomosti.ru-ն՝ մեջբերելով ՌԴ ԱԳՆ պաշտոնական ներկայացուցիչ Մարիա Զախարովայի՝ Արևելյան տնտեսական ֆորումի շրջանակում կայացած ճեպազրույցում արած հայտարարությունը։
Սեպտեմբերի 9-ին Ադրբեջանի ԱԳՆ-ն հայտարարել է, որ Ռուսաստանի նոր շրջաններում տեղի ունեցած ընտրություններն իրավական ուժ չունեն։
«Սրանք անընդունելի գնահատականներ են, և դրանք չեն համապատասխանում մեր երկրների հարաբերությունների դաշնակցային մակարդակին։ Ուստի ադրբեջանական կողմին դիվանագիտական դեմարշ է արվել»,- պարզաբանել է ՌԴ ԱԳՆ պաշտոնական ներկայացուցիչը։
Զախարովան ընդգծել է, որ ԱԳՆ-ն ելնում է նրանից, որ Բաքուն Ռուսաստանի տարածքային ամբողջականության հարցին պետք է վերաբերվի նույն հարգանքով, ինչը գործընկերներն ակնկալում են, երբ խոսքը վերաբերում է Ադրբեջանի տարածքային ամբողջականությանը։
