«Շատ են վիրավորները, և՛ քաղաքացիական անձանց, և՛ զինվորականների շրջանում»։
Ծայրահեղ ծանր վիճակում գտնվող հիվանդներին տեղափոխել ենք Ստեփանակերտ: Այս մասին NEWS.am-ի հետ զրույցում ասաց Մարտունու հիվանդանոցի բժիշկներից Հրայր Աղաբեկյանը:
«Շատ են վիրավորները, և՛ քաղաքացիական անձանց, և՛ զինվորականների շրջանում: Երեխաներ ու կանայք չկան վիրավորների շրջանում, նրանք ապաստարաններում են»,- ասաց բժիշկը:
Նրա խոսքով՝ այժմ հիմնականում զոհերի մարմիններն են բերում. «Ոչինչ էլի, շատ են զոհերը»:
Հրայր Աղաբեկյանը նշեց, որ հիմնականում բեկորային ու հրազենային վնասվածքներ ունեն վիրավորները. «Հիմնականում թեթև վիճակում գտնվողներն են մեր հիվանդանոցում»:
–
