Ստեփանակերտում պայթյունից տուժած 200-ից ավելի մարդկանց մեծ մասի վիճակը գնահատվում է ծայրահեղ ծանր և ծանր։
Այս պահի դրությամբ 67 տուժած անձ գտնում է Այրվածքաբանության ազգային կենտրոնում, հայտարարել է ՀՀ առողջապահության նախարար Անահիտ Ավանեսյանը։
Նրա խոսքով՝ մեծ մասի առողջական վիճակը գնահատվում է ծայրահեղ ծանր և ծանր։
«Տարհանման գործընթացն այս պահին էլ շարունակվում է։ Այսօր Երևան են հասցվել նորածին երեխաներ։ Նրանք գտնվում են մասնագիտական վերահսկողության տակը, կայուն վիճակում են»,- ասել է Ավանեսյանը։
Նախարարը նշել է նաև, որ Ստեփանակերտում պայթյունից տուժած 200-ից ավելի մարդկանց մեծ մասի վիճակը գնահատվում է ծայրահեղ ծանր և ծանր։
«Պիտի հաշվի առնենք, որ բարդ ընթացքն առջևում է։ Բացի այդ, 125 աճյուն այսօր տեղափոխվել է դատաբժշկական փորձագիտական կենտրոններ, հաջորդիվ կներկայացնենք տվյալները»,- ասել է Ավանեսյանը։
