Հայր ու որդի վիճել են կենցաղային հարցերի շուրջ։
Հայաստանի Քննչական կոմիտեի Երևան քաղաքի քննչական վարչության Արաբկիրի քննչական բաժնում ՀՀ ՆԳՆ ոստիկանության Արաբկիրի բաժնից ձևակերպված փաստաթղթեր են ստացվել Երևանի բնակիչ 59-ամյա Սերգեյ Գ.-ի ահազանգի փաստով: Վերջինս ոստիկանության Արաբկիրի բաժնում հայտնել է, որ իր 35-ամյա տղան իրենց տանն իր նկատմամբ մահափորձ է իրականացրել:
Ինչպես հայտնում է Shamshyan.com-ը, տեղում Սերգեյ Գ.-ն ոստիկաններին հայտնել է, որ կենցաղային հարցերի շուրջ վիճաբանություն է ծագել իր և իր որդու միջև, որի ժամանակ որդին թավայով հարվածել է իր գլխին և ճակատին, ինչի հետևանքով իրեն պատճառվել է մարմնական վնասվածք:
Ոստիկանության Արաբկիրի բաժնի քրեական հետախուզության բաժնի ծառայողները կարճ ժամանակում հայտնաբերել են կասկածյալ Արմեն Գ.-ին, ում մարմնական վնասվածք պատճառելու հիմնավոր կասկածի առկայության հիմքով ձերբակալել և տեղափոխել են ոստիկանության Արաբկիրի բաժին, որտեղից էլ ներկայացրել են Հայաստանի Քննչական կոմիտեի Երևան քաղաքի քննչական վարչության Արաբկիրի քննչական բաժին:
Աղբյուրի տեղեկություններով՝ Սերգեյ Գ.-ն ոստիկաններին և քննիչներին հայտնել է, որ ինքն աշխատում է «Կարեն Դեմիրճյանի անվան մետրոպոլիտենի» ՏՏ բաժնի ադմինիստրատոր:
