Մոդելը հասանելի է երեք տարբերակով, որոնք աշխատում են տեքստերի, նկարների, աուդիոյի և տեսանյութերի հետ:
Google-ը ներկայացրել է արհեստական բանականության իր նոր՝ մինչ օրս ամենահզոր լեզվական մոդելը՝ Gemini անունով։
Մոդելը հասանելի է երեք տարբերակով, որոնք աշխատում են տեքստերի, նկարների, աուդիոյի և տեսանյութերի հետ:
«Gemini-ն ի սկզբանե կառուցվել է բազմամոդալ լինելու համար, ինչը նշանակում է, որ այն կարող է առանց դժվարության հասկանալ ու համատեղել տարբեր տեսակի տեղեկատվություն՝ ներառյալ տեքստը, կոդը, աուդիոն, նկարը և տեսանյութը»,- նշում է Google DeepMind-ի գործադիր տնօրեն և համահիմնադիր Դենիս Հասաբիսը:
- Gemini Ultra-ն ամենամեծ և ամենահզոր մոդելն է, որը նախատեսված է խիստ բարդ առաջադրանքների համար:
- Gemini Pro-ն հասանելի է Bard չաթբոտում: Սա Bard-ի ամենամեծ թարմացումն է այն գործարկվելուց ի վեր:
- Gemini Nano-ն Google-ի ամենաարդյունավետ մոդելն է սարքերում գործարկելու համար: Տարբերակը ինտեգրվել է Pixel 8 Pro սմարթֆոնների մեջ։
Google-ի զեկույցի համաձայն՝ մոդելի փորձարկումները ցույց են տվել, որ Gemini Ultra-ն 32 չափանիշից 30-ում գերազանցում է մյուս լեզվական մոդելներին։
«Մենք մինչ այժմ մեծ առաջընթաց ենք գրանցել Gemini-ի հարցում և աշխատում ենք հետագա տարբերակների հնարավորություններն ընդլայնելու ուղղությամբ»,- ասված է տեխնոլոգիական ընկերության բլոգում։
