«Ռուսական կողմի հրավերները Հայաստանին և Ադրբեջանին՝ շարունակել խաղաղության կարգավորման շուրջ երկխոսությունն այն սկզբունքների հիման վրա, որոնք ձևակերպել են մեր երկրների ղեկավարները 2020թ․ նոյեմբերին և ավելի ուշ, ուժի մեջ են և բաց են մնում»։
ՌԴ փոխարտգործնախարար Միխայիլ Գալուզինը ձեռնպահ է մնացել Սանկտ Պետերբուրգում ԱՊՀ ոչ պաշտոնական գագաթնաժողովում Ռուսաստանի նախագահ Վլադիմիր Պուտինի, Ադրբեջանի նախագահ Իլհամ Ալիևի և Հայաստանի վարչապետ Նիկոլ Փաշինյանի եռակողմ հանդիպման հեռանկարների վերաբերյալ մեկնաբանություններից:
«Ես կնախընտրեի, որպես դիվանագետ, այնուամենայնիվ, զերծ մնալ կանխատեսումներից»,-նշել է փոխնախարարը՝ պատասխանելով լրագրողների համապատասխան հարցին։
«Ռուսական կողմի հրավերները Հայաստանին և Ադրբեջանին՝ շարունակել խաղաղության կարգավորման շուրջ երկխոսությունն այն սկզբունքների հիման վրա, որոնք ձևակերպել են մեր երկրների ղեկավարները 2020թ․ նոյեմբերին և ավելի ուշ, ուժի մեջ են և բաց են մնում», — հավելել է Գալուզինը:
