Փրկարարներն ավտոճանապարհից հեռացրել են կոտրված ծառը

Ավտոճանապարհը երկկողմանի երթևեկելի է:

Հունվարի 22-ին, ժամը 12:07-ին Տավուշի մարզային փրկարարական վարչության ճգնաժամային կառավարման կենտրոն ահազանգ է ստացվել, որ «Հաղարծին» վանական համալիր տանող ավտոճանապարհին ծառն ընկել և երկկողմանի փակել է ավտոճանապարհը. անհրաժեշտ է փրկարարների օգնությունը:

Դեպքի վայր է մեկնել ՆԳՆ ՓԾ մարզային փրկարարական վարչության հրշեջ-փրկարարական ջոկատից մեկ մարտական հաշվարկ։

Փրկարաները մասնատել և հեռացրել են ծառի ճյուղը (մոտ 10 մ) ճանապարհի երթևեկելի հատվածից:

Ավտոճանապարհը երկկողմանի երթևեկելի է։