Այս տարվա Super Bowl-ի ակնկալիքները հատկապես մեծ են՝ հաշվի առնելով Կանզաս Սիթիի խաղացող Թրեւիս Քելսիի եւ մեգաաստղ Թեյլոր Սվիֆթի հարաբերությունների շուրջ աղմուկը:
Այս կիրակի օրը կայանալիք Սուպերգավաթի (Super Bowl) գովազդային ծախսերը հասել են ռեկորդային մակարդակի․ աշխարհի խոշորագույն ընկերությունները մեծ ծախսեր են անում իրենց արտադրանքը միլիոնավոր հեռուստադիտողների առջեւ ներկայացնելու համար:
NFL-ի տարվա ամենամեծ խաղին 30 վայրկյան տեւողությամբ գովազդի միջին արժեքը կազմում է մոտ 7 միլիոն դոլար, հաղորդում է The New York Times-ը՝ նշելով, որ մեկ տասնամյակ առաջ նույն ժամանակահատվածի միջին արժեքը կազմում էր 4 միլիոն դոլար:
Անցյալ տարի գովազդների մեծ մասը վաճառվել է 6-7 միլիոն դոլարով, հայտնում է Associated Press-ը:
Անցյալ տարվա խաղում ներկայացված էին Dunkin’-ի, կենդանիների համար նախատեսված սննդի առաքման ծառայության՝ The Farmer’s Dog-ի, Amazon-ի եւ ալկոհոլային խմիչքների մի քանի ընկերությունների թանկարժեք գովազդները:
Ակնկալվում է, որ այս տարվա Super Bowl-ը, որը հեռարձակվելու է CBS-ով, կդիտեն տասնյակ միլիոնավոր հեռուստադիտողներ, որոնք կհետեւեն «Կանզաս Սիթի Չիֆս»-ի եւ «Սան Ֆրանցիսկո Ֆորթի Նայներսի» մրցապայքարին:
Այս տարվա Super Bowl-ի ակնկալիքները հատկապես մեծ են՝ հաշվի առնելով Կանզաս Սիթիի խաղացող Թրեւիս Քելսիի եւ մեգաաստղ Թեյլոր Սվիֆթի հարաբերությունների շուրջ աղմուկը:
