Արտակարգ իրավիճակների նախարարությունից տեղեկացնում են, որ հոկտեմբերի 3-ին, ժամը 16։00-ի սահմաններում Սյունիքի մարզի Սպանդարյան գյուղի խաչմերուկի մոտակայքում տեղի է ունեցել խոշոր ավտովթար։
Դեպքի վայր է մեկնել ԱԻՆ ՓԾ մարզային փրկարարական վարչության հրշեջ-փրկարարական ջոկատից մեկ մարտական հաշվարկ։
Պարզվել է, որ Սիսիան-Երևան ավտոճանապարհի 22-րդ կմ հատվածում բախվել են «MAN» մակնիշի բեռնատարը (վարորդ՝ Վ․ Մ․, ծնված 1977 թ.), «Opel Astra» (վարորդ՝ Ս․ Ս․, ծնված 1972 թ.) և «VAZ-2106» (վարորդ՝ Ս․ Վ․, ծնված 1951 թ․) մակնիշների ավտոմեքենաները:
Մինչ փրկարարների կանչի վայր հասնելը՝ «VAZ-2106» մակնիշի ավտոմեքենայի վարորդը տեղի ուժերով հոսպիտալացվել է Սիսիան քաղաքի ԲԿ։
Փրկարարները հոսանքազրկել են ավտոմեքենաները և փակել գազի բալոնների փականները:
