Կան փակ եւ դժվարանցանելի ճանապարհներ

Գորիսի տարածաշրջանում մառախուղ է:

Փրկարար ծառայությունը տեղեկացնում է, որ ՀՀ տարածքում կան փակ և դժվարանցանելի ավտոճանապարհներ։

Մինչև մարտի 5-ը ճանապարհի վերանորոգման աշխատանքներով պայմանավորված Մ-6 մայրուղու Վանաձոր-Ալավերդի ճանապարհահատվածի մոտ 38-40-րդ կմ փակ է լինելու ավտոբուսների և կցորդով կամ կիսակցորդով բեռնատար ավտոմեքենաների համար։ Շրջանցիկ ավտոճանապարհը կգործի Նոյեմբերյան քաղաքով։

Հավելյալ տեղեկատվության համար անցեք հղումով`
https://armroad.am/am/news/inner/News_29.12.2023

Փակ են Արագածոտնի մարզում «Ամբերդ» բարձր լեռնային օդերևութաբանական կայանից դեպի Ամբերդ ամրոց և Քարի լիճ տանող ավտոճանապարհները:

Դիլիջանի ոլորանները դժվարանցանելի են կցորդիչով բեռնատարների համար:

Դիլիջանի ոլորաններում, Գորայք-«Զանգեր», Սարավան-«Զանգեր» կոչվող հատվածներում, Ելփինից դեպի Տիգրանաշենի ոլորաններ հատվածում, Նոյեմբերյան, Բերդ, Ջերմուկ, Վանաձոր քաղաքներում, Ստեփանավանի, Տաշիրի, Սպիտակի, Ապարանի, Արագածի, Հրազդանի, Չարենցավանի, Ծաղկաձորի տարածաշրջաններում տեղում է ձյուն։

Գորիսի տարածաշրջանում մառախուղ է:

Վարդենյաց լեռնանցքում բուք է:

                                     Լարսի մասին

Վրաստանի ՆԳՆ ԱԻ դեպարտամենտից և ՌԴ ԱԻՆ Հյուսիսային Օսիայի ճգնաժամային կառավարման կենտրոնից ստացված տեղեկատվության համաձայն՝ Ստեփանծմինդա-Լարս ավտոճանապարհը բաց է բոլոր տեսակի տրանսպորտային միջոցների համար։

Վարորդներին խորհուրդ է տրվում երթևեկել բացառապես ձմեռային անվադողերով։