Զանգեզուրի պղնձամոլիբդենային ընկերությունը պաշտոնական հայտարարություն է տարածել․
Հարգելի՛ գործընկերներ,
«Ձագեձոր հեռուստաընկերություն» ՍՊԸ-ն 2017 թվականից տնօրինում է Սյունիքի մարզում վերգետնյա եթերային հեռարձակման լիցենզիան (2021-ից հանրային մուլտիպլեքսում շահել է Սյունիքի և Վայոց Ձորի մարզերում սփռման սլոթերի մրցույթում՝ լիցենզիաներ ԵՀ N 307 և ԵՀ 312 )։
2017 թվականից ընկերությունը հանդես էր գալիս «Զանգեզուր ՀԸ/ZTV» ապրանքանիշի ներքո։
Ընկերությունը տեղեկացնում է, որ նախաձեռնել է ռեբրենդինգի գործընթաց և այսուհետ հանդես է գալու «Սյունիք հեռուստաընկերություն/Syunik.tv» ապրանքանիշով։ Տեղեկացնում ենք, որ «Ձագեձոր հեռուստաընկերություն» ՍՊԸ-ն պատկանում է Զանգեզուրի պղնձամոլիբդենային կոմբինատին, ստեղծվել և ֆինանսավորվել է ԶՊՄԿ-ի կողմից։ Չնայած սրան` ZTV ապրանքանիշը ժամանակին գրանցվել է ԶՊՄԿ-ի հետ չառնչվող իրավաբանական անձի անվանումով և հանդիսացել է այդ ընկերության սեփականություն։ Ռեբրենդինգը պայմանավորված է նաև այս իրավաբանական խնդիրը շտկելու անհրաժեշտությամբ։
Տեղեկացնում ենք, որ ԵՀ N 307 և ԵՀ 312 հեռարձակման լիցենզիաների տիրապետող և նախկինում «Զանգեզուր ՀԸ/ZTV» անվան տակ հանդես եկող «Ձագեձոր հեռուստաընկերություն»- ը այսուհետ հանդես կգա Syunik TV ապրանքանիշի տակ, իսկ «Զանգեզուր հեռուստաընկերություն/ZTV» ապրանքանիշը և դրա անվան տակ հանդես եկող լրատվական հարթակներն առնչություն չունեն ԶՊՄԿ ՓԲԸ-ի հետ։
