Քննարկվել է ուկրաինական ճգնաժամի թեման, այդ թվում՝ դրա քաղաքական և դիվանագիտական կարգավորման հեռանկարները։
Ռուսաստանի Դաշնության փոխարտգործնախարար Միխայիլ Գալուզինը Անկարայում խորհրդակցություններ է անցկացրել իր թուրք գործընկեր Բուրաք Աքչափարի հետ՝ Ուկրաինայի հակամարտության դիվանագիտական կարգավորման և Անդրկովկասում տիրող իրավիճակի թեմաներով։ Այս մասին հայտնում է ՌԴ ԱԳՆ-ն։
«Քննարկվել է ուկրաինական ճգնաժամի թեման, այդ թվում՝ դրա քաղաքական և դիվանագիտական կարգավորման հեռանկարները։ Ռուսական կողմից այս համատեքստում մատնանշվել է ԱՄՆ գլխավորությամբ հավաքական Արևմուտքի կողմից Կիևի ռեժիմին զենք մատակարարելը դադարեցնելու, Ուկրաինայի ղեկավարության՝ Ռուսաստանի հետ բանակցությունների արգելքը վերացնելու, ինչպես նաև աշխարհաքաղաքական նոր իրողություններին Կիևի սթափ ընկալման անհրաժեշտությունըում»,- նշել են ԱԳՆ-ում։
Զեկուցվել է նաև, որ կողմերը համեմատել են իրենց տեսակետները Հարավային Կովկասում իրադրության վերաբերյալ՝ «ընդգծելով հայ-ադրբեջանական հարաբերությունների կարգավորման գործընթացի կարևորությունը և նպաստելով դրան՝ առաջին հերթին տարածաշրջանային ձևաչափերի շրջանակներում»։
«Գնահատականներ են տրվել Կենտրոնական Ասիայի երկրների հետ փոխգործակցության վերաբերյալ։ Ռուսական պատվիրակությունը նշել է տարածաշրջանի պետությունների հետ գործընկերության բարձր դինամիկան, շարունակել է ՌԴ ԱԳՆ-ն։ – Շոշափվել են ռուս-թուրքական օրակարգի որոշ ասպեկտներ՝ Մոսկվայի և Անկարայի միջև համագործակցության խորացման և կառուցողական երկխոսության հետագա համատեղ քայլերի տեսանկյունից։ Պայմանավորվածություն է ձեռք բերվել շարունակել շփումները»։
