Մենք հրաժարվում ենք եռամսյա հավաքներից, հավաքները դառնում են 25-օրյա։ Կառավարության այսօրվա հերթական նիստում այս մասին տեղելացրել է ՀՀ ՊՆ Սուրեն Պապիկյանը։
Ներկայացնելով նոր կարգը Պապիկյանը՝ նշել է, որ 25 օր տևող հավաքի 21 օրը հիմնական ծառայությունն է, որից 7 օրը քաղաքացին անցնում է պատրաստություն, 14 օր անցկացնում է մարտական հերթապահություն։
«Առաջիկա 25-օրյա հավաքները լինելու են պարտադիր ՀՀ բոլոր զինապարտ քաղաքացիների համար։ Սակայն զինապարտներին հնարավորություն է ընձեռվելու ընտրել հավաքին մասնակցելու ժամկետը»,-հավելել է ՊՆ նախարարը։
Անդրադառնալով վարժական հավաքների անցկացման նոր կարգին՝ վարչապետ Նիկոլ Փաշինյանը պարզաբանել է, որ նախկինում վարժական եռամսյա հավաքներին մասնակցում էին չաշխատողները, ովքեր վճարվում էին դրա դիմաց՝ այդ կերպ լուծելով նաև սոցիալական խնդիրը:
«Բայց հետագայում եկանք եզրակացության, որ արդյունավետ չէ, և որոշեցինք այն դարձնել մեկամսյա և պարտադիր բոլորի համար»,- մեկնաբանել է Փաշինյանը։
