Լուսինն ամբողջությամբ ծածկել է Արեգակը, երկինքը չորս րոպե շարունակ մթնել է:
Մեքսիկայում, ԱՄՆ-ում և Կանադայում, ինչպես նաև Խաղաղ և Ատլանտյան օվկիանոսների մի շարք կղզիների տարածքում այսօր ականատես են եղել Արեգակի ամբողջական խավարման: Հաջորդ ամբողջական խավարումը կլինի 2026-ի օգոստոսի 12-ին և կընդգրկի Հյուսիսային կիսագնդի մի մեծ հատված:
Հյուսիսային Ամերիկայի երկրներում միլիոնավոր մարդիկ հետևել են Արեգակի ամբողջական խավարմանը: Առաջինը այս յուրահատուկ երևույթին հետևել են մեքսիկական Մասաթլան քաղաքի բնակիչներն ու հյուրերը: Լուսինն ամբողջությամբ ծածկել է Արեգակը, երկինքը չորս րոպե շարունակ մթնել է: Այդ րոպեներին երկինք կարելի էր նայել հատուկ պաշտպանիչ ակնոցով` տեսողությանը չվնասելու համար:
