Շատ շուտով Հայաստանում հիմնվելու է Իրանի առևտրի կենտրոն, այս մասին լրագրողների հետ հանդիպմանն ասաց Հայաստանում Իրանի դեսպան Մեհդի Սոբհանին։
«Հայաստանին մենք չենք դիտարկում որպես երեք միլիոնանոց շուկա, այլ դիտարկում ենք որպես հարթակ, որի միջոցով կարող ենք ելք ունենալ ԵԱՏՄ շուկա»,- ասաց նա։
Դեսպանը նշեց, որ Հայաստանը ԵԱՏՄ երկրներից միակ երկիրն է, որի հետ Իրանն ունի ընդհանուր սահման։
Նա ընդգծեց, որ Հայաստանի ու Իրանի միջև հունվար-փետրվար ամսին առևտրի ծավալների աճ է արձանագրվել։
«Անցյալ տաի 704 միլիոն դոլարի առևտրաշրջանառություն ենք ունեցել։ 2024-ին ակնկալվում է, որ ավելի մեծ աճ կգրանցենք»,- ասաց դեսպան Մեհդի Սոբհանին։
