Լիցքավորման կայանները հաճախ տեղակայված են ստորգետնյա կայանատեղերում և այլ վայրերում, որտեղ դրանք հեշտ չէ գտնել:
Առաջիկա ամիսներին Google-ը մի քանի թարմացումներ կթողարկի քարտեզներում, որոնք կհեշտացնեն էլեկտրական մեքենաների լիցքավորման կայաններ գտնելը։ Իհարկե, դա հնարավոր չի լինի առանց արհեստական ինտելեկտի, որը կհավաքի տեղեկություններ կայանների մասին, կառաջարկի նախընտրելիները և ցույց կտա նրանց ճանապարհը։
Լիցքավորման կայանները հաճախ տեղակայված են ստորգետնյա կայանատեղերում և այլ վայրերում, որտեղ դրանք հեշտ չէ գտնել: Google-ը նախատեսում է խրախուսել օգտատերերին կարծիքներ թողնել երթևեկության ուղղությունների և լիցքավորման տարբերակների մասին: Եթե օգտատերը պլանավորել է կանգառ, Google Maps-ը կառաջարկի, թե որտեղ է ավելի լավ լիցքավորել մեքենան:
Նախատեսվում է, որ լիցքավորման կայանների մասին տեղեկատվությունը կթարմացվի իրական ժամանակում և կցուցադրվի Google-ի ներկառուցված ծրագրային ապահովմամբ մեքենաների բորտ համակարգերում, ինչպիսիք են Volvo-ի և Polestar-ի որոշ մոդելները։
