ՔԿՀ-ում խցերից հայտնաբերվել են բջջային հեռախոսներ և այլ իրեր

Ազատազրկված անձանց կողմից արգելված իրերի պահման և շրջանառության դեմ պայքարը կրում է պարբերական բնույթ։ 

ՀՀ ԱՆ քրեակատարողական ծառայության կենտրոնական մարմնի օպերատիվ վարչության և հատուկ նշանակության բաժնի ծառայողները, նույն վարչության «Արմավիր» տարածքային բաժնի և «Արմավիր» քրեակատարողական հիմնարկի ծառայողների հետ համատեղ ապրիլի 18-ին իրականացրել են հերթական հատուկ միջոցառումները, որոնց շրջանակներում խուզարկություններ են կատարվել հիմնարկի խցերում։ 

Արդյունքում՝ տարբեր խցերից հայտնաբերվել են բջջային հեռախոսներ, բջջային հեռախոսների պարագաներ, ինչպես նաև՝ քրեակատարողական հիմնարկների ներքին կանոնակարգի պահանջներին չհամապատասխանող այլ իրեր։

Ազատազրկված անձանց կողմից արգելված իրերի պահման և շրջանառության դեմ պայքարը կրում է պարբերական բնույթ։