Ռուսաստանի և Ադրբեջանի նախագահներ Վլադիմիր Պուտինը և Իլհամ Ալիևը ապրիլի 22-ին կհանդիպեն Մոսկվայում, հայտնում է Ռուսաստանի նախագահի աշխատակազմի մամուլի ծառայությունը։
Նշվում է, որ Ալիևն աշխատանքային այցով է գտնվելու Ռուսաստանում, Պուտինի հետ բանակցությունները նախատեսված են այդ այցի շրջանակում։
«Նախատեսվում է քննարկել ռուս-ադրբեջանական ռազմավարական գործընկերության և դաշնակցային հարաբերությունների հետագա զարգացմանը վերաբերող առանցքային հարցերը, ինչպես նաև մտքերի հանգամանալից փոխանակում կատարել տարածաշրջանային արդի խնդիրների շուրջ»,- հայտնել է Ռուսաստանի նախագահի աշխատակազմի մամուլի ծառայությունը։
Ադրբեջանական լրատվամիջոցներն էլ հայտնում են՝ Մոսկվայի բանակցություններից կարճ ժամանակ անց՝ ապրիլի 26–ին էլ Ադրբեջանի նախագահը Բեռլինում կհանդիպի Գերմանիայի կանցլեր Օլաֆ Շոլցի հետ։
