Չեմ բացառում, որ Տավուշում սահմանագծերին կհայտնվեն սահմանային որոշակի նշաններ, որի մի կողմում գրված կլինի Հայաստանի Հանրապետություն, իսկ մյուս կողմում՝ Ադրբեջանի Հանրապետություն։ Այս մասին Ստեփանավանում լրագրողների հետ զրույցում ասել է ՀՀ վարչապետ Նիկոլ Փաշինյանը։
«Ես ուզում եմ մենք գնահատենք սա, սա շատ էական և լրջագույն փոփոխություն է, սա ոչ թե մենք հասանք այն կետին, որտեղ ուզում էինք հասնել, այլ ոտք դրեցինք այն ճանապարհի վրա, որով մենք պետք է հասնենք»,- նշել է վարչապետը։
