Բաքվում տեղի է ունեցել Ադրբեջանի նախագահ Իլհամ Ալիևի և Սլովակիայի վարչապետ Ռոբերտ Ֆիցոյի հանդիպումը, ստորագրվել են մի շարք փաստաթղթեր:
Հանդիպումից հետո Ալիևը լրագրողներին հայտնել է, որ ստորագրված փաստաթղթերի թվում կան փաստաթղթեր պաշտպանության և պաշտպանական արդյունաբերության ոլորտներում: Նրա խոսքով՝ Ադրբեջանը և Սլովակիան բանակցություններ են սկսել պաշտպանական արդյունաբերության ոլորտում համատեղ արտադրական հարթակների ստեղծման շուրջ:
Սլովակիայի վարչապետն իր հերթին հայտարարել է, որ իր երկիրը կարող է Ադրբեջանի հետ համատեղ արտադրություն սկսել ռազմական ոլորտում: Նա բարձր է գնահատել Բաքվի հետ ռազմական համագործակցությունը։
