Ադրբեջանի նախագահի օգնական Հիքմեթ Հաջիևը ԱՄՆ այցի ընթացքում հանդիպումներ է ունեցել ԱՄՆ պետքարտուղարի քաղաքական հարցերով տեղակալ Ջոն Բասի, պետքարտուղարի՝ Եվրոպայի և Եվրասիայի հարցերով օգնականի առաջին տեղակալ Յուրի Քիմի, ինչպես նաև պետքարտուղարի ժողովրդավարության, աշխատանքի և մարդու իրավունքների հարցերով օգնական Ռոբերտ Ջիլքրիստի հետ։
Օրակարգում են եղել երկկողմ հարաբերությունները, տարածաշրջանային և համաշխարհային անվտանգության ոլորտում զարգացումները: Անդրադարձ է եղել նաև Հայաստանի և Ադրբեջանի հարաբերությունների կարգավորման գործընթացին:
