Ագրոբիզնեսին աջակցություն՝ Լեռնային Ղարաբաղից տեղահանված անձանց ինտեգրման համար

Էկոնոմիկայի նախարարությունից տեղեկացնում են՝ ԵՄ Կանաչ գյուղատնտեսության նախաձեռնությունը Հայաստանում, որը ֆինանսավորվում է Եվրոպական միության կողմից և համաֆինանսավորվում ու իրականացվում է Ավստրիական Զարգացման գործակալության կողմից, հայտարարում է բաց մրցույթ Լեռնային Ղարաբաղից բռնի տեղահանված անձանց համար։

Թիրախային խմբերն են՝

Լեռնային Ղարաբաղի բնակիչները, որոնք բռնի տեղահանվել են Հայաստան և բնակվում են երկրի գյուղական բնակավայրերում և համայնքներում:

Թիրախային տարածքներն են՝

Հայաստանի բոլոր գյուղական բնակավայրերն ու համայնքները, ներառյալ փոքր քաղաքները:

Ինչպե՞ս դիմել

Քայլ 1

Ծանոթացի՛ր մրցույթի պայմաններին այստեղ:

Քայլ 2

Ներբեռնի՛ր և լրացրու՛ հայտադիմումը:

Քայլ 3

Ուղարկի՛ր բոլոր լրացված փաստաթղթերը հետևյալ տարբերակներից մեկով՝

1․ էլ. նամակ GAIA-Grants@ada.gv.at հասցեին, կամ

2․ Փոստային առաքմամբ կամ առձեռն հետևյալ հասցեով՝ ՀՀ, ք. Երևան 0010, Էրեբունի պլազա բիզնես կենտրոն, Վ. Սարգսյան 26/1 փողոց, 6-րդ հարկ:

Մրցույթը բաց կլինի մինչև անհրաժեշտ քանակի շահառուների ընտրությունը: Վերջնաժամկետը կհայտարարվի մրցույթի փակման օրվանից 10 աշխատանքային օր առաջ:

Հարցերի դեպքում կարող եք զանգահարել +374 93 144 635; +374 93 144 518 հեռախոսահամարներով։