Հայաստանի բնակիչների շրջանում նկատվում է գրքերի և գրքային պարագաների գնումների աճ։ 2024-ի առաջին հինգ ամիսների ընթացքում (հունվար-մայիս) գնորդները ձեռք են բերել գրքեր Wildberries-ից՝ նախընտրելով որակյալ գրականություն մատչելի գնով։
Ըստ Wildberries-ի տվյալների՝ նշված ժամանակահատվածում վաճառվել է շուրջ 130,000 գիրք: Գրքերի վաճառքը 1,5 անգամ աճել է՝ 2023-ի նույն ժամանակահատվածի համեմատ. 2023-ն վաճառվել է 79,000 գիրք։ Իսկ «Գրքեր և գրքային պարագաներ» կատեգորիայի վաճառքի տարեկան աճը կազմել է 93%:
Wildberries-ից գնված գրքերից առաջատարներն են՝ մանկական կրթական հրատարակությունները, համաշխարհային գրականության դասականները, ինչպես նաև ինքնազարգացման մասին գրքերը։
Ինչպես ցույց են տալիս Wildberries-ի վաճառքի տվյալները, նշված ժամանակահատվածում գնորդները նախընտրել են՝ մանկական ուսումնական գրքեր (վաճառվել է 794 միավոր), «Գրիր և ջնջիր» մանկական ուսումնական ձեռնարկ (574 միավոր), ամերիկացի գրող Նիկոլաս Սփարքսի «Շտապիր սիրել» վեպը (546 հատ), Միխայիլ Բուլգակովի «Վարպետը և Մարգարիտան» բեսթսելլերը (378 հատ) և ամերիկացի գրող Ռոբերտ Գրինի «Իշխանության 48 օրենքները» գիտահանրամատչելի ստեղծագործությունը (309 հատ):
Wildberries-ը շարունակում է առաջարկել ցանկացած տարիքի և ճաշակի համար նախատեսված գրքերի լայն տեսականի՝ մանկական ուսումնական գրքերից մինչև համաշխարհային գրականության դասականներ և ժամանակակից բեսթսելլերներ։
