Կապանի միջազգային երաժշտական փառատոնը մեկ տարի անց կրկին մեկնարկեց հուլիսին: Փառատոնի զարդն այս տարի վերածնված Կապանի երգեհոնն է, որը, խոստացածի համաձայն, նորոգվեց ու հենց առաջին օրը հնչեց ավելի լավ, քան տասնամյակներ առաջ: Բացի դրանից՝ միջոցառման շրջանակում մշտական ցուցադրության կդրվեն 300 տարվա պատմություն ունեցող թանկարժեք «Ստրադիվարիուս» ջութակները: Այս ամառ էլ մարզկենտրոնը կդառնա աշխարհի լավագույն մշակութային կենտրոններից մեկը:
