ԱՄՆ նախագահ Ջո Բայդենը հայտարարել է, որ դուրս է գալիս նախագահական ընտրարշավից:
Այս մասին նա հայտնել է X-ի իր միկրոբլոգում:
Բայդենը հայտարարել է նաև, որ չնայած ընտրապայքարից դուրս գալուն, որպես ԱՄՆ նախագահ կպաշտոնավարի մինչև իր ժամկետի ավարտը:
Տարբեր հարցումների համաձայն՝ Բայդենը պարտվել էր հանրապետական Դոնալդ Թրամփին նախընտրական բանավեճում:
Այդ ֆոնին ԱՄՆ Դեմոկրատական կուսակցության ներկայացուցիչները սկսցին ակտիվորեն կոչ անել առաջադրել նախագահի մեկ այլ թեկնածուի:
Դեմոկրատների հավանական այլընտրանքային թեկնածուն փոխնախագահ Քամալա Հարիսն է:
Տեսականորեն կուսակցությունը թեկնածուին փոխարինելըու հնարավորություն կունենա օգոստոսին կայանալիք համագումարում, սակայն դրա համար անհրաժեշտ է նախնական ընտրություններում հաղթած թեկնածուի համաձայնությունը:
Ավելի վաղ Բայդենը հայտարարում էր, որ մտադիր է գնալ մինչև վերջ:
ԱՄՆ նախագահի ընտրությունները տեղի կունենան նոյեմբերի 5-ին:
