Միացյալ Թագավորության թագավոր Չարլզ III-ի ընթրիքը նախորդ տարի մեծ հարված է հասցրել Ֆրանսիայի բյուջեին: Ելիսեյան պալատը ընդունելության վրա ծախսել է գրեթե 475.000 եվրո։
Politico-ն գրում է, որ Ելիսեյան պալատի ծախսերը՝ կապված դիվանագիտական և նախագահական պարտականությունների, ինչպես նաև վարչակազմի, անձնակազմի, անվտանգության և գույքի կառավարման հետ, հասել են ահռելի 125 միլիոն եվրոյի, ինչը հանգեցրել է բյուջեի կրճատմանը 8,3 միլիոն եվրոյով։ Ամենամեծ գործոններից մեկը երկու շքեղ պետական ընթրիքներն էին` Հնդկաստանի վարչապետ Նարենդրա Մոդիի և թագավոր Չարլզ III-ի հետ:
