Իսրայելը կրկին հարվածել է Գազայի շենքերին

Գազային՝ իսրայելական բանակի հասցրած հարվածների հետևանքով առնվազն 9 մարդ է զոհվել։ Այս մասին հաղորդում է ՏԱՍՍ գործակալությունը՝ կատարական Al Jazeera հեռուսատաալիքին հղումով։

Ինչպես հաղորդում է հեռուստաալիքը՝ Պաղեստինի քաղաքացիական պաշտպանության ծառայության տվյալներով՝ իսրայելական ուժերն օգոստոսի 27-ի վաղ առավոտյան երկու ռումբ են նետել Գազայի հյուսիսում գտնվող երկու շենքի վրա։

Գերատեսչության տվյալներով՝ փրկարարական խմբերը հայտնաբերել են ինը պաղեստինցու դի։ Զոհերի ու անհետ կորածների որոնումները դեռ շարունակվում են։