«Կոնսենսուսային փաստաթուղթ է, որակյալ փաստաթուղթ է, կարծում եմ, ԵԱՀԿ ուղեցույցին համապատասխան»։
Հայաստանի և Ադրբեջանի միջև սահմանազատման հանձնաժողովների համատեղ գործունեության կանոնակարգի նախագիծը ներառված է Կառավարության վաղվա նիստի օրակարգում, և ճիշտ կլինի սահմանափակվել այն հայտարություններով, որոնք կան: Այդ մասին լրագրողների հետ ճեպազրույցի ժամանակ ասել է ՀՀ արդարադատության նախարար Գրիգոր Մինասյանը՝ արձագանքելով հարցին, թե արդյոք Ադրբեջանում ևս մեկնարկել են կանոնակարգի վավերացման գործընթացները:
«Կա կանոնակարգ, որը առաջիկա հինգշաբթի՝ որպես «միջազգային պայմանագիր» օրենքի նախագիծ, հաստատվելու է Կառավարության կողմից և ուղարկվելու է ՍԴ: Կոնսենսուսային փաստաթուղթ է, որակյալ փաստաթուղթ է, կարծում եմ, ԵԱՀԿ ուղեցույցին համապատասխան»,- ասել է Գրիգոր Մինասյանը:
