Լիբանանը կստիպի Իսրայելին զղջալ իր գործողությունների համար․ Իրանի հոգևոր առաջնորդ

Լիբանանը կստիպի Իսրայելին զղջալ  իր գործողությունների համար, հայտարարել է Իրանի գերագույն հոգևոր առաջնորդ այաթոլլա Ալի Խամենեին՝ «Հըզբոլլահ»-ի առաջնորդ  Հասան Նասրուլլայի մահվան կապակցությամբ։

«Լիբանանն այսօր Աստծո օգնությամբ չար ու նենգ թշնամուն կստիպի զղջալ ներխուժման համար»,- Ալի Խամենեի խոսքերն է մեջբերել Tasnim գործակալությունը։

Հիշեցնենք՝ այսօր Իսրայելի պաշտպանության բանակը պաշտոնական հաղորդագրություն էր տարածել՝ նշելով, թե Բեյրութում «Հըզբոլլահ»-ի շտաբի վրա ավիահարվածի ժամանակ սպանվել է շարժման առաջնորդներից Հասան Նասրալլան։