Թշնամի կհամարենք այն պետությանը, որն իր օդային տարածքը կտրամադրի Իսրայելին. Արաղչի

«Մենք շնորհակալություն ենք հայտնում զինված ուժերին իրենց խիզախ գործողությունների համար, նրանք համապատասխան պատասխան են տվել սիոնիստներին»։

Իրանական կողմը թշնամի կհամարի ցանկացած պետության, որն իր օդային տարածքը կտրամադրի Իսրայելին․ հայտարարել է Իրանի արտգործնախարար Աբբաս Արաղչին:

«Մեր հրթիռների ավելի քան 90% -ը հասել է թիրախներին․ չեն որսացել։ Մենք արդեն ասել ենք այլ երկրների ներկայացուցիչներին, որ թշնամի կհամարենք յուրաքանչյուրին, ով իր օդային տարածքը կտրամադրի Իսրայելին։ Բայց հույս ունեմ, որ ոչ ոք նման թույլտվություն չի տա», – Արաղչիի խոսքը մեջբերել է իրանական SNN գործակալությունը։

Արաղչին հայտարարել է, որ իրենց գործողությունները լիովին պաշտպանողական են եղել և պատասխան են հանդիսացել իրանական հողում սիոնիստների ահաբեկչական գործողություններին․
«Մենք շնորհակալություն ենք հայտնում զինված ուժերին իրենց խիզախ գործողությունների համար, նրանք համապատասխան պատասխան են տվել սիոնիստներին»,- ասել է նախարարը։