Հայաստանում 10 զբոսաշրջային կլաստեր ստեղծելու համար նախատեսվում է ներգրավել 100 մլն դոլար։ Այս մասին նոյեմբերի 4-ին Ազգային ժողովում հայտարարեց հանրապետության էկոնոմիկայի նախարար Գևորգ Պապոյանը՝ 2025 թվականի պետական բյուջեի նախագծի քննարկման ժամանակ մշտական խորհրդարանական հանձնաժողովների համատեղ նիստում։
Վարկային միջոցներ, այս դեպքում, նախատեսվում է ստանալ Համաշխարհային բանկից։ «Այս միջոցները, մասնավորապես, նախատեսվում է ուղղել Հայաստանի տարբեր մարզերում վերը նշված կլաստերների ստեղծմանը»,- նշել է Պապոյանը։
Նրա խոսքով, Համաշխարհային բանկի հետ կնքվել է խոշոր հինգ տարվա վարկային համաձայնագիր։ Պատասխանելով զբոսաշրջության զարգացման ռազմավարության հաստատման մասին հարցին՝ նախարարը, մասնավորապես, նշել է, որ այն դեռ չի հաստատվել։ «Այս հարցը ակտիվ քննարկումների փուլում է»,- հավելեց կառավարության ներկայացուցիչը։
