Գերիների վերադարձի հետ կապված հարցը, ցավոք, ավելի շատ քաղաքական օրակարգում քննարկվող հարց է, բայց իրավական դաշտում մենք դրա մասին ժամանակին պահանջ ներկայացրել ենք թե՛ Արդարադատության միջազգային դատարանում, թե՛ Եվրոպական դատարանում: Ցավոք սրտի, դրանք դատարանները համարել են, որ իրենց անմիջական առարկայական իրավասությունից դուրս են, այսինքն՝ թե՛ Եվրոպական դատարանի մասին էր խոսքը, թե՛ Արդարադատության միջազգային դատարանի: Այդ մասին խորհրդարանական ճեպազրույցի շրջանակում ասաց Միջազգային իրավական հարցերով Հայաստանի ներկայացուցիչ Եղիշե Կիրակոսյանը:
«Այսինքն՝ փորձ մենք արել ենք, փաստ է՝ նաև փորձելով դատարանին՝ այդ դաշտում որոշում կայացնելու ակնկալիք ունենալով: Բայց, ցավոք, դատարանը որոշեց, չենք կարող… Դատարանն անկախ մարմին է, որոշում է կայացնում՝ հիմնվելով միջազգային իրավունքի վրա»,- ասաց նա:
