«Զվարթնոց» օդանավակայանում ինքնաթիռները չեն կարողացել վայրէջք կատարել

Ըստ շրջանառվող լուրերի՝ Երևանի «Զվարթնոց» օդանավակայանում այսօր մի քանի չվերթի ինքնաթիռ չի կարողացել վայրէջք կատարել։ 

Radar Armenia-ի հետ զրույցում «Զվարթնոց» օդանավակայանից պարզաբանեցին, որ առավոտյան ինքնաթիռները մի փոքր ուշացումով են վայրէջք կատարել, ինչի պատճառը խիտ մառախուղն է եղել։

«Միայն Wizz Air ավիաընկերության՝ Լառնակայից ժամանող չվերթը չի կարողացել վայրէջք կատարել օդանավակայանում»,- ասաց «Զվարթնոցի» մամուլի խոսնակ Լուսինե Մողրովյանը։