Դեկտեմբերի 18-ին՝ ժամը 00:35-ին, Տավուշի մարզային փրկարարական վարչության ճգնաժամային կառավարման կենտրոն ահազանգ է ստացվել, որ Իջևան քաղաքի Նար-Դոս թաղամասի վերջնամասում այրվում է կայանած ավտոմեքենա։
ՆԳՆ փրկարար ծառայությունից հայտնում են, որ դեպքի վայր է մեկնել ՆԳՆ ՓԾ մարզային փրկարարական վարչության հրշեջ-փրկարարական ջոկատից մեկ մարտական հաշվարկ։ Պարզվել է, որ հրդեհը բռնկվել է Նար-Դոսի փողոցի թիվ 60/1 հասցեի մոտակայքում կայանած VAZ մակնիշի ավտոմեքենայում։
Հրդեհը մեկուսացվել է ժամը 00:55-ին, մարվել՝ 01:09-ին: Այրվել է ավտոմեքենան և մասամբ ջերմահարվել է հարակից գտնվող փայտե էլեկտրասյունը (մոտ 4 գմ):
