Ղազախական լրատվականները հաղորդում են, որ Բաքվից Գրոզնի ուղևորվող ինքնաթիռն ընկել է Ակտաու քաղաքի մատույցներում։
«Ակտաու քաղաքի մոտակայքում վթարի է ենթարկվել Բաքու-Գրոզնի ուղղությամբ մեկնող ինքնաթիռը: Այն պատկանում է Azerbaijan Airlines ավիաընկերությանը», — հայտնել են Ղազախստանի տրանսպորտի նախարարությունից։
Ադրբեջանական AZAL-ից էլ հայտնել են, որ Azerbaijan Airlines ավիաընկերության ինքնաթիռը Բաքու-Գրոզնի չվերթը իրականացնելիս վթարային վայրէջք է կատարել Ակտաու քաղաքից 3 կմ հեռավորության վրա:
Նախնական տվյալներով՝ պատահարի պատճառ է դարձել օդանավի բախումը թռչունների երամի հետ:
